Idazle zuberotarrari buruzko jardunaldiak eginen dituzte Baionan
Agosti Xahori buruzko jardunaldiak eginen ditu Eusko Ikaskuntzak Baionan, urriaren 8an, haren jaiotzaren 200. urteurrenaren karietara.
Bere figura aztertuko dutenen artean, Xabier Zabaltza, Xipri Arbelbide eta Fermin Arkotxa.
Gizon polifazetikoa izan zen Xaho: idazle euskaldun, fama handiko kazetari, abertzale aitzinikusle, antiklerikal karlistazale, errepublikazale amorratu...
Xahoren hizkuntz zaharra
Besteak beste, Aitorren mitoaren sortzailea izan zen Xaho. Horri buruzko artikulua idatzi du Ana Toledok: Aitor, euskaldunen identitatearen eratzaile.
Ana Toledori Xahoren inguruan elkarrizketa zabala egin dio Mikel Bujanda lankideak, Eusko Ikaskuntzak babesturiko Kultur Arloa saioan.