Urrezko orrazia eman digute. Erran nahi baita Zaldiko Maldiko Elkarteak Nafarroako komunikabide euskaldunei eman diela aurten Lamien Urrezko Orrazia, hau da, euskararen alde lanean nabarmentzen direnei eskaintzen dien saria. Euskararen aurka ari direnentzako Asto-Masto saia, aldiz, Euskarabideako buru Xaier Azanzak jaso du. Zaldiko Maldikoko lagunekin mintzatu da Txari Eleta lankidea.
[audio http://euskalerriairratia.com/wp-content/uploads/2010/09/zaldiko.mp3]
Urtero legez, Zaldiko Maldiko elkarteko kideek hartu dute erabakia eta Nafarroako euskarazko hedabideak saritzerakoan “urte sail luzean egindako lana eta une honetan, diru-laguntza ofizialik gabe, aurrera ateratzeko egiten ari diren ahalegina” kontuan hartu dutela aipatu dute.
Saritutako hedabideak hauexek dira, bestek beste: Guaixe, Belaixe, Ttipi Ttapa, Xorroxin irratia, Xaloa, Karrika, Xuka, Zorrokaria, Pulunpe, Esan- erran, Mailope, Aralar Irratia, Irati Irratia, Karrape Irratia, Nabarra eta, jakina, Euskalerria Irratia.
Argazkia: Guaixe