Iruñeko Adierazpena onartu du Espainiako Prentsa Elkarteen Federazioak. Irudi lezakeenaren kontra, baina, horrek ez du esan nahi Espainiako kazetariek ezker abertzaleak Iruñean egindako sona handiko adierazpenarekin bat egiten dutenik. Kontua da haiek beste agiri bat sortu dutela -euskal gatazkarekin batere zerikusirik ez duena- kalitatezko kazetaritza aldarrikatzeko eta editoreei horrekiko errespetua eskatzeko. Eta gure metropoli foralean egindako bilkuran onarturiko agiri horri Iruñeko Adierazpena izena jarri diotela. Bistan denez, izendapenak nahasmena eragin dezake. Huts egite harrigarri samarra da hori aintzat ez hartzea, kazetariez ari garela aintzat hartuz.