De rerum natura 1 eta De rerum natura 2 komiki liburuen ondotik, kalean da jada De rerum natura 3. Egileak, Patxi Huarte Zaldi Eroak, gure mikrofonoen aurrean aitortu duenez, "zailena liburuaren titulua asmatzea izan da". Azken bi urteotan Berrian argitaratu dituen 700 zinten antologia da, 350 tira biltzen dituena. Azken bi urteen inguruko kronika, kazetaritza, umore, amore lana. Hona hemen Juan Kruz Lakastak egin dion elkarrizketan, komikilariak bota dituen gogoeta mamitsu ugarietako bat: "Ezker abertzaleak beti esan du The Organization existitzen dela herriak hala nahi duelako. Herriak argi utzi du ez duela The Organization nahi eta, beraz, hurrengo komiki liburuan The Organization-eko kideak jada ez direla azalduko uste dut".
[audio http://euskalerriairratia.com/wp-content/uploads/2010/05/patxihuarte201005121.mp3]