Iñigo Astiz
“L´homme creusé comme une mine”
Paul Eluard
Badira minak eta minak,
azaletik gertu ezkutatzen direnak batzuk,
paparrean josita daramatzagunak,
eta sakonak eta zailagoak, besteak;
begietara begiratu ezin direnak,
inoratu ezin direnak, eta
zapaltzekoak ez direnak;
badira denborak ezabatzen dituenak,
eta denborak sortutakoak;
pertsonak hondoratzen dituztenak,
eta pertsonak erditzen dituztenak;
badira minak psikikoak eta larruzkoak,
fisikoak eta ingeniari diseinuzkoak,
nahi duzun neurri eta kolorekoak,
badira zapore goxoa dutenak,
nola badiren zapore mina dutenak,
badira unearen arabera badirenak,
baina badira minak eta minak;
nahi adina min, minaka min,
eta minetan minenak; zugan lehertu
eta zangorik gabe uzten nautenak.
[audio http://euskalerriairratia.com/wp-content/uploads/2010/05/inigo-astiz-mai.mp3]