Nafarroako abertzaleek politikan porrot egin dutela uste du Hamaika bil gaitezen ekimeneko eledun Jose Manuel Alemanek. Gaur goizean Pasahitzan adierazi duenez, borroka armatuak bezala politikak ere porrot egin du azken hamarkadotan gurean, eta kultura izan da aurrera egitea lortu duen bakarra, "batez ere militantziari esker". Haren irudikoz, euskarak, euskaldunek, euskal identitateak aurrera egin dezaten, ezinbestekoa da herritar eta alderdi abertzale guztiek bat egitea. Xede horrekin manifestazioa eginen dute martxoaren 6an, arratsaldeko 17:30etan, Golem zinematokietatik abiaturik.
[audio http://euskalerriairratia.files.wordpress.com/2010/02/bilgaitezen.mp3]