Euskara Mexikoko doinuz entzun daiteke Regresa pelikularen aurrerapenean. Filma Mexikon egindako komedia erromantikoa da, Ernestoren eta Mariaren arteko amodio istorioa kontatzen duena. Maria psikologoarengana doa eta hipnotizatu egiten du. Esnatzeko agintzen diolarik, hau da, “¡Regresa!” esaten diolarik, Maria XV. mendeko erregin nafarra dela pentsatuz iratzartzen da, euskaraz hizketan, “Nor zara zu?” oihukatuz, betiere, Mexikoko doinuz, Pixi eta Dixi marrazki bizidunetan zerabilten doinu goxo hura gogora ekarri digun doinuaz, hura mexikarra edo venezuelarra ote zen oso argi ez dugun arren. Urtarrilaren 22an estreinatu zuten filma Mexikon. Eta ez dakigu Euskal Herrian pantailaratuko duten ala ez. Boligrafo gorria blog gomendagarrian jaso dugu pelikularen erreferentzia.
[youtube=http://www.youtube.com/watch?v=NpKsYnmXTi8]