Ander Fuentes Itturri gailendu zen atzo Agoitzen jokaturiko Nafarroako Bertsolari Txapelketako finalaurdenean. Hartara, Itturrik eskuratu du zuzenean finalerdietan abesteko txartela, aurreko saioetan Arkaitz Goikoetxeak eta Xabier Legarretak egin zuten bezala. Lehendabiziko aldia zen txapelketako saio bat AGoitzen egiten zela. Antolatzaileak pozik dira, 150 bertsozale inguru elkartu zirelako han. Irabazleak 380,5 puntu jaso zituen. Bigarrena Oskar Estanga izan zen (376) eta hirugarrena Miel Mari Elosegi Luze (363). Datorren larunbatean jokatuko da laugarren kanporaketa, Garesen, Udaletxeko erabilera anitzeko aretoan, 17:30etan. Han kantatuko dutenak, Eneko Lazkoz, Jon Elizetxe, Alazne Untxalo, Xabier Terreros, Estitxu Arozena eta Ioar Tainta. Agoizko saioaren kronika egin digu Nafarroako Bertsozale Elkarteko Lorea Arburuak.
[audio http://euskalerriairratia.files.wordpress.com/2010/02/loreaarburua201021.mp3]