Datorren larunbatean, arratsaldean lauetan, Aralarren haizatuko dituzte Jesus Lezaunen errautsak, lagunarteko agurrean. Igandean, eguardiko hamabietan, meza eginen dute, Iruñeko Ibaiko Andra Mariaren elizan. Lezaunek joan den ostiralean eman zuen azken hatsa, 84 urte zituelarik, bihotzekoak jota. Apaiza, teologian doktorea, Nafarroako eliza aurrerakoiaren ordezkaria eta abertzale ezaguna zen Lezaun. Bera gertutik ezagutu duten bi lagunen testigantzak bildu ditugu, Jose Mari Esparza editorearena eta Xabier Lasa Berriozarko alkatearena, hain zuzen ere. Esparzak nabarmendu du Lezaun gizon konprometitua izan zela, bere sinismenekin eta abertzaletasunarekin. Lasak azpimarratu du erreferentziazko apaiza izan zela, gardena, kritikoa, Euskal Herria maite zuena.
[audio http://euskalerriairratia.files.wordpress.com/2010/01/jesus-lezaun-gogoan.mp3]
Argazkia: Nafarroan.com