Nafarroako lehen irrati euskaldunetako aitzindariak omendu ditu Euskalerria Irratiak, 2009ko Larreko Sariarekin. Eta, haiekin batera, egun kinka larrian diren Nafarroako euskarazko hedabide guztiak. Azaroaren 25ean sari-banaketa egin genuen Iruñeko Planetarioan. Atzo, gaur eta betiko irrati esatariak izan genituen lagun, mukuru bete zen aretoan. Emankizun luze eta atseginetik, bi pasarte berreskuratu ditugu sarean eskegitzeko. Lehenean, trantsizio garaian euskara dialera berrragerrarazi zuten lagunen testigantzak dira entzungai: Javier Pagola, Josetxo Azkona, Inma Errea eta Kike Diez de Ultzurrun. Bigarrenean, sariaren hartzaileak, elizetako kanpaidorreetatik emititzen zuten aitzindari haiek: Arantzako irratiko sortzaile Esteban Irigoien eta Berueteko irratiko estari Nartxi Nabarro.
[audio http://euskalerriairratia.files.wordpress.com/2010/01/pagola-ultzurrun-azkona-errea.mp3]
[audio http://euskalerriairratia.files.wordpress.com/2010/01/nartxi-esteban-elk-eskerrak.mp3]