Mikel Oteiza izanen da Atarrabiako EH Bilduren zerrendaburua udal hauteskundeetan, koalizioak atzo ilunabarrean sare sozialen bidez jakinarazi zuenez. Erabakia atzo arratsaldean bertan egindako batzar batean hartu zuten. Egun Bilduko Kirio Gastearena da Atarrabiako alkatea.
Oteiza 2011tik da zinegotzi, eta Kultura eta Gaztedi batzordeko presidentea da. Herrian ezaguna da, halaber, Mikelats dantza taldeko kidea delako eta hainbat antzerki talderekin ere aritu izan delako.