Kontzientziazio soziala areagotzeko lasterketa izanen da larunbatean Artika Berrin izanen dena. Lau egitasmo laguntzeko bideratuko da herri-lasterketa horretan ateratzen den dirua. 150 eta 200 bizilagunen parte-hartzea espero dute antolatzaileek. Helduek eta haurrek parte hartu ahal izanen dute ibilbide desberdinak baitaude prest.
Helduek 7.400 metro egin beharko dute lasterketa osatzeko. Artika eta Berriozar artean ariko dira, Ezkabako zenbait parajetatik pasatuta. Goizeko 10etan ekinen diote. Irailaren 2ra arte dago aukera izen emateko herrikrosa.eus webgunearen bitartez. 7 euro ordaindu beharko da apuntatzeko.
Haurren kasuan euro bat ordaindu beharko dute izen-emateagatik eta apuntatzen direnen arabera erabakiko dute ibilbidea.
Laguntza proiektu askotarikoei
1. Maialeni babesa-Begirada bat Rett gaixotasunari
2. Nereari lagunduko diogu
3. Autismoaren Nafarroako Elkartea
4. Paris 365 Jantoki Solidarioa