Asteazkena, urtarrilak 19

19:00

Erresistentzia arazo fisikoa da

Noiz hasten da promesa bat materia bihurtzen? Nola egin korrika norbere gorputzetik? Korrika ibiltzea azelerazioari, pausu markatuei men egitea da running-aren kulturan. Antzerki-performance pieza honek, korrika egiteko, ordea, gorputzaren memoriaren txokoetan gelditzera gonbidatzen gaitu, sententzia medikoak, ibilera okerrak, desira ironikoak eta diziplina fisikoko ariketak gurutzatzen diren geraleku konkretua arakatzeko parada eskainiz. Sortzailea eta antzezlea: Maite Aizpurua OlaizolaBidelagun artistikoa: Matxalen de PedroArgiztapen diseinua: Miriam UbanetMusika: Mozarten bibolinerako kontzertua 3.zk (moldaketa): Asier RenteriaTeaserra eta difusiorako argazkiak: Yuri Agirre (Kulturaz Koop.)Trailerra: Zazpi t´erdiLaguntzaileak: Azpeitiko Udala, Kulturaz Kooperatiba, Zumaiako Udala, Harrobia, Eusko Jaurlaritza, Horman Poster.Sarrerak

09:00

20:00

Autopsiak. Argazkilaritza. Asier Gogortza

Grekera zaharretik heldu da autopsia hitza. Euskarazko itzulpen zuzena “norberak ikustea” izanen litzateke, “αὐτός” (autos, norbera) eta “ὄψις” (opsis, ikustea). Hildakoaren gorpua behatu, hila dagoela egiaztatu eta heriotzaren kausak aztertzea dira autopsiaren xede nagusiak. Forenseen lan-metodoa paisaiari aplikatu zaio erakusketa hau osatzen duten bortz argazki multzo desberdinak egiteko orduan. Jendez hustu diren herriak, Berako bordak, Portugalgo tren geltokiak… denbora batean bizi-bizirik zeuden paisaiak hil-hurren edo erabat hilik ailegatu dira gure garaietaraino.