Oraindik ez dago matrikulazioaren inguruko datu ofizialik, baina D ereduaren inguruan aritzen diren eragileek nabaritu dute gorako joera: D ereduko zentroetako zuzendariak batzen dituen Nize elkarteak esan du euskara ardatz duten ikastetxeeek 1.380 eskaera jaso dituzte. Ikastolei dagokienez, Nafarroako Ikastolen Elkarteak adierazi du 461 eskaera izan direla, 919, beraz, sistema publikoan egin dituzte.
Erriberan, pixkanaka-pixkanaka
Hala, gora egin du Euskarazko hezkuntzak, batez ere Iruñerrian; Hegoaldean iazko antzera dabil. Iruñerrian hazkunde demografiko handiena izan duten auzoetan igo da euskara, Sarrigurenen eta Buztintxurin, alegia.
Erriberan, Lodosan eta Caparroson euskal adarra garatuko dute, gainontzeko erreferentziazko zentroetan, dirudienez, ez baita aterako.
Antzinen eta Erriberrin ere eskaerak egon dira: eskolek eurek eskatu diote Nafarroako Gobernuari D ereduko ikasgelak zabaltzeko.