Zaragozako Akademia Militarreko 26. promozioko kide zenbaitek hainbat email trukatu zizkiotela elkarri, besteak beste “puta” deitzen Nafarroako Parlamentuko presidenteari. Laukoak irainak gaitzesteko deklarazioa aurkeztu du parlamentuan eta onartu egin dute talde guztiek, PPk izan ezik.
Geroa Baiko Koldo Martinezek adierazi du "onartezina" dela halakoak esatea, are irainak "lehendakariaren kontra soilik ez, baizik eta erkidego oso baten kontra" izan zirela.
Bide beretik jo du Ahal Duguko kide Laura Perezek, eta gogorarazi irainak "matxistak" ere badirela eta Fiskaltzak ikertu beharko lituzkeela iradoki du.
PP, gaitzespenetik kanpo
PP izan da irainak gaitzetsi nahi izan ez dituen alderdi bakarra, Ana Beltran popularraren irudiko, "ez dago irain horien jatorriaren inguruko xehetasunik", eta horregatik ez du babestu deklarazioa. Nolanahi ere, Barkos "iraintzearen aurka" dagoela esan du popularrak.