3.000 euro eta kirol esparru batera 6 hilabetez sartzeko debekua. Hori da gazte bati epaile batek jarritako isuna, Sadar futbol zelaira presoen aldeko bandera eta arrano beltza zuen arropa sartzeagatik. Orain, beste epaile batek, ordea, bertan behera utzi du sententzia, presoen bandera futbol zelaira sartzea ez baita ilegala.
"Indarkeria bultzatzen zuen sinbolotzat" hartu zuen lehen epaileak arrano beltza, bigarren epaileak, ordea, "sinbolo historikoa" dela esan du, eta Audientzia Nazionalak berak gauza bera dioen epaia emana duela jada.
Banderari dagokionez, ez geziak ezta Euskal Herriaren marrazkia ere legez kanpokoak ez direnez, Poliziaren interpretazioa "ez da onargarria", alegia, ez dago "indarkeria" sustatuko dutenenik pemtsatzeko arrazoirik. Banderak kirol guneetara sartzea ekiditeak, beraz, "ezin du helburu izan biolentziarekin loturiko gertakariak sahiestea".