"Nafarroan, ikasleen maila soziala, ekonomikoa eta kulturalaren arabera espero zitezkeen emaitza akademikoen gainetik daude PISAko datuak. Eraginkortasuna eta ekitatea ongi uztartzen ditu gure sistemak". Horra Nafarroako Gobernuak PISA datuen karietara kaleratutako oharra.
Positiboak dira oso emaitzak, izan ere, batez bestekoaren gainetik dago foru lurraldea. Zientzia arloan, 512 puntu lortu dituzte ikasleek; matematikan, 518; eta irakurmenean, 514. Zifra horiek Australia, Herbehereak eta Alemaniaren pare jarri dute lurraldea.
Hiru urtetik behin
2015eko maiatzean osatu zuten ikasleek PISA azterketa, 72 herrialdetan. Hala, horien arteko emaitzak alderatu, eta hezkuntzaren argazki orokorra jasotzen dute lurraldeek.