"Ez da bereziki korapilatsua Altsasu", adierazi du Javier Hernandez Nafarroako Guardia Zibilaren koronel nagusiak. Altsasuri buruz ematen ari diren irudiarekin ere ez dator bat Hernandez: "Guardia Zibila ez da bereziki deseroso sentitzen Altsasun".
"Manifestaziorik ez da behar"
Carmen Alba Espainiako Gobernuko ordezkariak, berriz, ez du beharrezko ikusten Altsasuko herriaren aldeko mobilizazio bat egitea uste duelako denok daudela Altsasuko herriaren alde. Haren ustez, martxaren bidez "lausotu" egin nahi dituzte gertaera batzuk: "Manifestazio horretara doanak jakingo du zer egiten duen".