Joan den larunbat goizean Elizondoko Foruzaingoaren agenteek 33 urteko autobus gidaria salatu zuten droga kontrol batean speed (metanfetamina) hartua zuela frogatu ondoren.
Ohiko kontrol batean poliziek paperak eskatu zizkioten gidariari, bidean abiatu baino lehen. Gidariaren jokamoldea ikusita drogen kontrola edo narkotesta egitea erabaki zuten emaitza positiboa emanez.
Autobusa ez zuten geldiarazi enpresak berehala beste gidari bat bidali zuelako.