UPNren, PPren eta PSNren babesa izan du adierazpen batek. Bost puntutan, ETAren ekintzen gaitzespena eta erakundeak biktimei barkamena eskatzeko aldarrikatu du.
Lauko gobernuak sostengatutakoak, berriz, "elkarbizitzan oinarritutako etorkizuna, "ideia oro garatu ahal izatea" eta ETAren armagabetzea aldarrikatu ditu. Geroa Bairen, EH Bilduren, Ahal Duguren eta Ezkerraren babesa ez ezik, PSN alderdiarena ere izan du.
Geroa Baik ostegunean aurkeztu zuen bestelako adierazpen bat, gaur, baina, atzera egin du, gainontzeko alderdiekin hitzartutakoa hobetsi du eta. Koldo Martinezek azaldu du "ahalik eta batasun handiena" zutela xede, eta lauko indarren artean adostutako dokumentuak baduela.