32.000 laguni ematen die jatekoa Nafarroako elikagaien bankuak, populazioaren %5,3ri. 200 entitateren bidez iristen da otorduak egiteko zailtasunak dituzten herritarrengana. Kanpaina bat jarri dute abian. Ikastetxeetako ikasleak izanen dira elikagaien bankuaren bulegoan. Egunerokoan zaborretara botatzen den elikagaien inguruan hausnartzeko baliatuko dute bisita. Heldu den hilean 11 ikastetxetako ikasleak izanen dituzte. Elikagaien bankuan voluntario ari diren 180 kideak ere ezagutuko dituzte haur eta gazteek. Iruñerriko Mankomunitateak eta Mancoeduca egitasmoak jarri dute martxan ekimen hori.
2015eko datuak
34.904 lagun artatu zituen iaz elikagaien bankuak. Guztira, 4.298.653 kilo janari banatu zituzten, pertsona bakoitzeko 117,3 kilo.