Nafarroako larrialdi zerbitzuek eguerdiko hamabiak zirela jaso zuten deia. Zalain Transformados enpresan lan istripua izan zen, Ezbeharraren ondorioz Agustin Portu Etxebide 64 urteko gizonezkoa hil egin zen. Amilduta zendu zen, jasotako kolpeen ondorioz: buruko traumatismo larriak eta hezur hausturak eragin zizkion erorketak. Lankide batek topatu zuen, hilik.
Berehala gerturatu ziren larrialdi zerbitzuetakoak sorospena egitera, baina, ezin izan zuten deus egin langilearen bizitza salbatzeko. Foruzaingoa ari da gertatutakoa ikertzen. Lehen hipotesien arabera, apalategi batzuetan igota ari zen lanean gizona, hodiekin. Lekuko zuzenik ez dago.