Nafarroari buruzko kultura eta historia ikerketak zabaltzen ditu aspalditik Principe de Viana aldizkariak. Gaur, diseinu berriarekin aurkeztu dute, hain zuzen ere, Joxemiel Bidador idazle, ikertzaile eta filologoari eskainitakoa izan da berrikuntzaren alea.
Bidadorren lanen aukeraketa hiru ildoen bueltan antolatu dute: Nafarroa eta euskal literatura, Nafarroako kazetaritzaren historia eta Erribera eta euskara.
Berrikuntzak nagusi
Diseinu berritua bai, baita atal berria ere: bi sail berri ireki dituzte. Eta, azkenik, beste berrikuntzetako bat erredakzio kontseiluan sumatu daiteke. Roldan Jimenok zuzenduko du eta Patricia Amigot, Teresa Catalan, Angel Erro, Clara Fernandez-Ladreda, Efren Munarriz, Eloisa Ramirez, Mikel Zuza eta Paz Ezkurra osatuko dute.