Lan Ministerioaren datuak dira. Horren arabera, 38 greba egon ziren Nafarroan iaz, hala, orotara, aktibo dagoen jendearen %0,7k egin zuen bat mobilizazioekin, eta 10.721 lanaldi ez ziren bete.
Azken zortzi urteetan, 40.000 lanpostu suntsitu dira eta 10.145 enpresa desagertu, Nafarroako Estatistika Institutuaren arabera. Horregatik, gero eta langile gutxiago egoteak, eta sindikatutako pertsona kopurua jaisteak kalte egin dio mobilizazioei.
Aitzitik, 2013 izan zen urterik mugituena, PPk bultzatutako lan erreforma orduantxe onartu baitzuten, UPNren babesarekin. Kinka larrian utzi zuen horrek Nafarroa. Inoiz ikusi gabeko langabe kopuru handiena izan zen : 56.486. Urte horretan, 104 greba egin zituzten.