Uste baino mantsoago, baina azkenean hamalau errefuxiatuei eginen die harrera Nafarroak. Ekainaren 1ean zapalduko dute bertako lurra, Greziatik iritsita. Jatorriz, ordea, Siriakoak dira horietako bederatzi eta Irakekoak lau.
Euskal Herrira orotara 32 iheslari ailegatuko dira. Nafarroara hamalau etorriko dira; Gipuzkoara, hamabost; eta Arabara, hiru. Oroitzekoa da ere Behe Nafarroan izan zirela hainbat lagun, baina Erresuma Batura joan ziren asiloa lortuta.
Kritika artean gauzatzen ari da errefuxiatuen etorrera, izan ere, hainbat gizarte eragilek Europar Batasunaren politika salatu dute. Iruñea Harrera Hiria plataformak elkarretaratzea egiten du astelehenero, "politika kriminalak" salatzeko. Hilabete hasieran, Nafarroako presidentearen aurrean ere protesta egin zuen, Europa hiltzaile lelopean.