Herritarren inplikazioa, erakundeena eta politikariena beharrezko jo ditu Bakea, Elkarbizitza eta Giza Eskubideak Departamentuko zuzendaritzak hain zuzen bakea eta elkarbizitza sustatu eta garatzeko lanean. Nafarroako entitate sozialekin elkarlana indartu nahi du, euren lana ezinbestekoa delakoan elkarbizitza baketsua, errespetuzkoa eta aberasgarria lortu nahi bada.
Nafarroako Udal eta Kontzejuen Federazioak ‘Tokiko Entitateak bakearen eta elkarbizitzaren alde’ programa jarriko du abian. Kooperazio tekniko eta ekonomikoa jarriko dute mahai gainean tokian tokiko proposamenak aurrera eraman daitezen.