Pobrezia tasak neurtzen du zenbat pertsona bizi diren oso diru sarrera urriekin. Estatistika Institutu Nazionalak plazaratutako datuen arabera, 2014a Estatuko populazioaren %22,1k 8.011 euroko diru sarrerak zituen urteko. Familien bataz besteko urteko diru sarrerak %2 jaitsi ziren 26.092 eurokoak izateraino.
EINek ohartarazten du pobrezia arriskua altuagoa dela 16 urtetik behekoen artean (%28,8), 65 urtetik gorakoen artean baino (%12,3).
Familiei dagokienez %13,7 zailtasun handiz iristen da hilabetearen amaierara eta %40k ez du bat-bateko gastuei aurre egiteko ahalmenik. Estatuan familien %40,6k ezin dira oporretara joan ezta aste bat ere eta %9,4 atzeratu egiten da etxeko fakturak ordaintzerakoan.
Pobrezia tasa altuenak dituzten erkidegoak Andaluzia (%35,7), Murcia (%31,8) eta Extremadura (%29) dira, eta tasa apalenak dituztenak, aldiz, Nafarroa (%9,6), EAE (%10,9) eta Katalunia (%13,9).