Eta festetan, zer? Ezetza beti da ezetz, Jaietan errespetuz bizi gara kanpaina jarri du abian Nafarroako Gobernuak zenbait udalekin batera. Auzo, hiri eta herrietako jaietan sexu erasoen aurkako kanpaina hau 2005etik du abian. Aurten gainera ostalaritzak bat egin du kanpainarekin eta iaz bezala 111 udal eta kontzejuk ere bai. 2.000 pegatina zabalduko dira, goiburuaren mezuarekin eta 600 esku gorri, sexu erasoak salatzeko azken urteotan zabaldu den irudia.
Festa giroan iaz, hau da ekainetik irailera 21 sexu eraso salatu ziren, gehienak, 17 zehazki 14 eta 30 urte arteko emakumeek jarri zituzten. Halakoak ekiditea da kanpainaren xede.
Ana Ollok eman du kanpainaren berri gaur agerraldian. Eta hain zuzen, emakumeenganako indarkeriaren kanpaina aurkeztearekin, komunikabideok dugun ardura ere nabarmendu du Ollok. Berarekin batera June Fernandez kazetaria eta genero perspektiban aditua izan da.