Larunbatean gertatu zen ezbeharra. Berriozarko auzokidea zen bi urteko haurra trenbidera sartu zen, eta Irun-Bartzelona egiten zuen trenak harrapatu egin zuen. Nafarroako Gobernuaren iturrien arabera, 14:10ean jazo zen istripua.
Berriobeitiren udal barrutian izan zen, San Agustinos poligonotik gertu. Foruzaingoa kasua ikertzen ari da, izan ere, dirudienez, zulo bat zegoen trenbidearen inguruko hesian, baratzeetara joateko eginda. Neskatila bertatik pasa zela uste dute ikerlariek.
Trenbide Azpiegituraren Adiministratzaileak (Adif) esan du "baimenik gabeko pasabidea" dela hori.
Berriozarko Eguna ospatu behar zuten asteburuan, baina bertan behera utzi zuten, istripuaren ondorioz.