Sindikatuen aburuz "ez dago arrazio ekonomikorik" 123 behargin kale gorrian uzteko. LAB, ELA, CCOO, UGT eta CGTren aburuz, irabaziak dauzka multinazionalak.
Gainera, hitzarmen kolektiboa negoziatzen ari ziren bitartean, enpresak Lan Erregulazio Espedientea aurkeztu ziela salatu dute. "Harrigarria" izan zen sindikalistentzat, eta "presioa" eragin zien.
Era berean, enpresari leporatu diote hitzarmenaren negoziazioa hasi zenean jada bazuela buruan beharginak kanporatzea, eta, beraz, greba etor zitekeelakoan, produkzioa pilatu zuela, lan uzteek produkzioan eraginik izan ez zezaten.
TRW, guztiz bestelako
Mutur batetik bestera doaz langileen eta enpresarien diskurtsoak. Alemaniako fabrikak esan du enpresa ez dela "lehiakorra", "besterik gabe, defizitarioa da". Egiten dituzten produktuak galbidean daudela aipatu dute, halaber. Hala justifikatu dituzte kaleratzeak.