Imotz bailarako Muskitz herrian hiru etxebizitza berri eraiki dituzte. Kontzejuak eta Udalak bat egin dute Itsasoenea eraikina atontzeko. Kontzejuarena zen etxe honetan bertako enplegu sozialeko langileak aritu dira lanean hainbat hilabetez. Beheko solairuan kontzejuko etxea eta udal biltoki bat zabaldu dituzte eta lehenengoan, aldiz, hiru etxebizitza. Horretaz gain, goiko partean alokatzeko sei lokal daude lantoki izateko prestatuak eta erakusketak edo bilkurak areto zabal bat dago.
Bertakoei edo bertan lan eta bizi nahi dutenei aukera berriak ematea da Udalaren helburua, Jose Angel Iturralde alkateak hemen Euskalerria Irratian azaldu zuen bezala.
Etxebizitza hauek alokatzeko baldintza plegua Imotzeko Udalaren web gunean aurki daiteke.
