Nafarroako zabortegi bakarra da Gongorakoa oraindik ere zaborra tratatu gabe lurperatzen duena. Hau da, errefusa izeneko edukiontzian biltzen dena bere horretan sartzen da lur azpian. Hala, ez du Europak agindutakoa betetzen. Ahalik eta gehien gutxitu behar da araudi horren arabera biodegradagarriak direnak, eta tratatzen ez direnez, ez da lortzen halako zaborra gutxitzea. Parlamentariak izan ziren atzo Gongorako zabortegian bisitan.
Nafarroako Hondakinen Planak jasotzen du 2025erako zaborrik ez egotea tratatu gabe eta edukiontzien %90 birziklatzea. Horixe da xedea.