Administrazio kontseiluko hemezortzi lagunek eman dute neurri horren aldeko botoa; bik, aldiz, kontrakoa.
"ETB libreki ikusteko oinarrizko eskubidea urratu" egin dela dio testuak. "Euskararen sustapenerako balio du, euskal kultura zabaltzeko, informaziorako eta iritzirako eskubidea indarrean jartzeko, gertutasunetik eta zerbitzu publikoetatik".
ETBko administrazio kontseiluak dio "berehala" jarri behar direla emisioa, eta horretarako, proposamena utzi du mahai gainean: "behin behineko neurri gisa, Nafarroako Gobernuaren esparru erradioelektrikoa erabiltzea eta ofizial egitea, denborarik galdu gabe, beharrezko lege babesa ziurtatuta".
