AIko bozeramaile eta koordinatzaile Adriana Goikoetxea egon da bilkuran; hark azaldu du Bety Caño ekintzaile mexikarraren kasuaren berri eman nahi dutela gurean. 2010ean erail zuten, segada batean, San Juan Copalako komunitate indigenarantz zihoala.
"Giza eskubideei dagokienez hemengo legeen antzeko legeak badauzkate ere, bertan ez dira betetzen, horregatik da garrantzitsua gertakariak argitzeko lan egitea", esan du Goikoetxeak. Bide berean, ekimenen egutegia aurkeztu dio Aznarezi, eta presidenteak jakin-mina adierazi du.
"Gure helburu nagusia bat eta bakarra da: mundua hau ez dadila berdina izan, baizik eta bidezkoa". Goikoetxeak harilkatu du esaldia, eta zera gaineratu du: "Horregatik ahotsik ez duten horiei ahotsa ematen inbertitzen dugu gure denbora".