Abuztuan egin zuen .eus erabiltzen hasteko proposamena EH Bilduk, eta fundazioarekin harremanetan jarri ostean, orain jarri dute martxan.
Luzea izan da prozesua. Izan ere, partikular batek erregistratu zuen nafarriakoparlamentua.eus sareko ataria, eta helegite baten bitartez erdietsi dute domeinua libre uztea.
Zer gerta ere, honako helbide hauek guztiak dauzka parlamentuak erreserbatuta: nafarparlamentua.eus; nafarroakoparlamentua.eus; parlamentodenavarra.eus; eta parlamento-navarra.eus.
Baikor baloratu du domeinua eskuratu izana exekutiboak: "euskara gainerako hizkuntzen maila berean jartzen du. Hori lagungarria da euskararen normalizaziorako eta nazioarteko aintzatespena lortzen du euskararen herrialdearentzat".