Kea dario Lan Eskaintza Publikoari. Sutan dago gaia. Hizkuntzaren karietara piztutako eztabaida nahikoa ez, eta 2013an, 2014an eta 2015an UPNk egindako oposizioak ezbaian jarri ditu Espainiako Estatu abokatuak. Ez omen dira behar bezala egin.
Kontua, gainera, ez da atzera begirakoa soilik: oraingo deialdia mugatu dezake orain urte batzuetakoak behar bezala egin ez izanak. Epaitegiak aztertu behar du orain helegitea tramitera onartuko ote duen.
Zenbakiei dagokienez, asko dira ezbaian gera daitezkeen lanpostuak: hezkuntzako 134; hamar, suhiltzaileenak; eta 120, osasun arlokoak.
Hezkuntzako LEP noraezean
Luis Mendoza Osasun kontseilariak UPNren "kudeaketa kaxkarra" oroitarazi du. Gaur zen aurkezteko Hezkuntzako LEP, baina, gertatutakoa gertatuta, ez dago oso argi zer gertatuko den.
Suhiltzaileen deialdiari dagokionez ere egon badago premia, izan ere, martxan dago jada azterketa.