Ene kantak-eko lagunek sekulako arrakasta lortu dute Oneka marrazoaren ikuskizunarekin, 2014ko urriaren 15ean, eta Euskalerria Irratiaren eskutik, Gaiarre antzokian estreinatu zutenetik. Gaiarre bete zuten. Gero, Zentral Kafe Antzokia, birritan. Donostia, Gasteiz eta Bilbon ere izan dira, arrakasta handiz, baita beste hainbat herritan ere. Aurtengo urriaren 3an, Barañainen, ikuskizunaren bideoa grabatu zuten, auditoriuma mukuru beteta, eta orain DVD formatuan salgai jarri behar dute. Etekinak Lekunberriko Pulunpe aldizkaria laguntzeko erabiliko dituzte.