"Asmo onek eta diskurtso hutsalek ez digute ezertarako balio; ez ditugu politikariak manifestazioen lehen lerroetan ikusi nahi, itxurakerian. Eskatzen diegu bulegoan gera daitezela, izurri hau behingoz erauzteko behar diren neurri zehatzak koordinatzen". Sexu Indarkeriaren Aurkako Emakumeen Nafarroako Plataformako kideenak dira hitzak. Ekintzak galdegin dituzte, ez mamirik gabeko zurikeria.
Izan ere, indarkeria matxista "agenda politiko guztietan" lehentasunezkoa izan beharko litzatekeen arren, egun, ez da hala. "Zifrak" baino ez dira hildakoak, gizartean aurrean, Plataformako kide Teresa Zabalegiren aburuz.
Hori dela eta, biharko mobilizazioan parte hartzera gonbidatu dituzte herritarrak.