Marta Beraren senitarteko batek gidatzen duen enpresa bati esleitu diote 1,8 milioi euroren truke ekografiak egiteko ardura. Modu horretan eta esleipena behin betikoa izanen balitz enpresak 538.900 euro poltsaratuko lituzke 2015ean. 2017. urtera arte ere luzatu liezaiokete kontratua.
Lehen mailako arretan egiten diren ekografiak bideratu nahi ditu Osasunbideak enpresa pribatura. Aurten 14.000 inguru izanen lirateke eta etorkizunean hazi egin daiteke zenbateko hori. Nafarroako Parlamentuan kritikatu da jokaera hau: irizpide subjektiboak gailendu direla uste dute eta medikuek emandako irizpideak ez direla kontuan hartu.
Erradiologia ekografikoan aditurik ez du enpresak. Osasunbideak ekografiak egitera enpresa pribatura bideratuko ditu erabiltzaileak, espezialistarik ez duen enpresara.