Presoen idazkiak irakurri dituzte senitartekoek. Bertaratutakoak hunkituta gelditu dira. 1934 eta 1945 urteen artean preso izan zituzten errepublikazaleen senitartekoek gertatutakoa pasarte laburretan zabaldu dute. Txinparta taldeak antolatuta, milaka lagun elkartu ziren atzo Ezkaba mendiko gotorlekuan. Senitartekoen hitzak ahots ozenean aldarrikatzeaz gainera, idatziz ere gorde dituzte. Botiletan sartu eta Ezkaba mendiko hilerrian utzi dituzte, hilerriak berak duen izenarekin -Botilen hilerria- bat egiteko. Krabelin gorriak ere utzi zituzten. Aurreskuak eta lore eskaintzak itxi zuten omenaldia.