Turismoko seinaleen eskuliburua goitik behera berrikusi eta aldatu behar da, testu, grafiko eta logotipo guztietan. Noiz eginen du hori Nafarroako Gobernuak?
TURISMOKO ESKULIBURUA, EUSKARAREN KONTRA
Nafarroako Gobernuaren webgunean kontsulta daiteke Nafarroako turismoko seinaleen eskuliburua; aurkitzeko, aski da Google-n "Manual de señalización turística de Navarra" idaztea. Euskararen kontrako hizkuntza politika bati dagokio; funtsean, ez du aldaketarik izan.
Hau da jarraibiderik larriena: 40. orrialdean, adierazten da eremu ez-euskaldunean seinale turistikoak gaztelania hutsean izanen direla.
Okerrena hori izanik ere, badira gehiago. Nafarroako sarbideetan, turistari ongietorri egiteko karteletarako, jarraibide hau dago legeak ez-euskaldun deitzen duen eremurako: "Ongi Etorri" hitzak gaztelaniazkoak baino txikiagoak izanen dira, grafikoek erakusten dutenez, atzerriko hizkuntzekin batera multzokaturik agertuko dira, eta "Reyno de Navarra" gaztelania hutsean geldituko da (36. eta 37. orrialdeak).
44. orrialdean, Agoitz herria "zona castellana" izeneko zerbaiten barnean kokatzen du (zer da hori?; Agoitz eremu mistoa da legearen arabera).
Turismoko seinaleen eskuliburua goitik behera berrikusi eta aldatu behar da, testu, grafiko eta logotipo guztietan. Noiz eginen du hori Nafarroako Gobernuak?
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!
2016ko abu. 28a, 18:58
