Beraz, eskaera horri eta hainbat herri mugimenduek egindako aldarrikapen historikoari erantzun nahi izan dio udalak.
Dagoeneko sindikatuek argitu duten arren euskararen presentzia bermatu izanak ez duela kalterik suposatuko langileentzat, hau da, ez dutela inor kaleratuko, laster hasiko dira betikoen kexak eta kezkak: eta gaztelerako haur eskolekin zer? Orain irakasle elebakarrak kaleratuko dituzte? Euskara inposatu nahi digute!
Niri beste kezkak eta kexak entzutea gustatuko litzaidake: noiz murriztuko dute ikasleen ratioa? Ez al dira gehiegi 8 haur hezitzaile bakoitzeko urtebete baino txikiagoen artean eta 16 urtebetetik gorakoen artean? Haur eskola publikoak areagotu beharrean, beharrezkoak direla ukatu gabe, noiz luzatuko dituzte amatasun eta aitatasun bajak? Noizko bizitza familiarra eta lana uztartzeko benetazko politikak? Noski, erabaki hauei erantzutea ez dago Bilduko udalaren esku, horregatik badut susmoa betiko kexekin konformatuko beharko naizela.