Gaur, igandearekin, erraldoien eta buruhandien konpartsa, autobus geltokitik aterako da, bederatzi eta erdietan. Bigarren Zabalgunetik pasako dira, Eskolopioetan atsedenalditxoa eginen dute, eta, gero, geltoki zaharrera buelta eginen dute.
Umeek, eguneroko gisan, Menuda Fiesta!-n zita izanen dute, Askatasunaren plazan. Haurrentzako ekimenekin, hamaika eta erdietatik ordu biak arte eta seietatik bederatziak arte. Txikienek txotxongiloak izanen dituzte, eguerdiko hamabietan, eta arratsaldeko zortzietan.
Musika hitzordua, uztailak 11 dituen honetan, hauek dira: txistularien alardea, San Jose plazatik ordu batean aterako dena; eta Luzaideko banda, ordu batean ere, Gurutze plazan.
Vulcano pirotekniak botako ditu gaurko su artifizialak. Gero, Duncan Dhu ariko da Foru plazan, bai eta Belize ere. Gaztelu eta Gurutze plazan, dantzaldiak. Antoniuttin, rarefolk estiloa, gauerditik aurrera; Konpainian, berriz, jazz saioa.