Donostia 2016an Europako Kultur hiriburua izan da. Zer eman du? Urtea izan dugu jakiteko erronka garaikidea elkarbizitza dela, sormen bidea esanguratsuena eta ez produktua, proposamen arrakastatsuak tras-inter-post behar dutela izan, guztiari ukitu eko-eus-global-morea ongi datorkiola, herri-hondar-izozki-olatuek herria eraikitzeko muina direla, prozesu parte-hartzaileek edozer legitimatzen dutela, kulturan ere emozioek dutela lehentasuna.
Urtea bukatzerakoan zuzendariak eta koordinatzaileak balantzea egin dute medioetan. Berástegui mugak, etsipena, sosegu faltaz, ilusio zapuzketaz mintzatu da. Ez ohiko zintzotasuna erabili du. Payak berea eta talde eragilearen lan militantea azpimarratu du. Eta harira ez datozen berri pertsonalak. Erakundeek aho batez txalotu dute egindako ibilbidea.
Dena dela, balantzea egiterakoan hanka esanguratsua falta da: urte osoko espektakulu kultural honek nola lagundu duen Donostiaren marka turistikoa eta inmobiliarioa nazioarteko merkatuan kokatzen. Oraingoan ere, kultura bestelako negozio askoren bidelagun perfektua izan da.
Donostia 2016
2017ko urt. 9a, 11:46
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!