Uxue Barkosen Gobernuak Hezkuntzatik egin du herren. Ez zen gozoki goxoa Jose Luis Mendozak duela bi urte ahoratu zuena. Gutik uste genuen hain ozpin gertatuko zitzaionik. Minak eta miñak nonahi. Herentzia ustelak araudian eta plantillan. Ustezko lagunak etsai, eta ustezko etsaiak etsaiago. Kontseilariak deskubritu du nerabeak ikaszaletzea baino gaitzagoa dela proiektuak abiatzea. Saltzaile bokaziorik ez zuen, eta politikan gauzak saldu behar direla berandu ikasi du Mendozak. Oposizioa berarekin ankertu da, ezker eta eskuin kolpatzen den punching ball-a. Sailik zailena bilakatu zaio Hezkuntza, Barkosi. Egoera eramanezina bilakatu den arte. Ea Solana ez dagoen hain bakarrik. Inolako mariarik ez, Mariarendako.
Mariarik ez
2017ko api. 12a, 10:48
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!