Atentzioa eman dit egunkarien azaletan ez aurkitzeak Ramon Saizarbitoriaren argazkirik. Bakar batean ikusi dut Ramon azalean, bere etxeko egongelan, liburu bat eskuetan duela.
Gipuzkoako Foru Aldundiak urteko urrezko domina eman dio idazleari euskara batuaren eta euskal literatura modernoaren alde egindako lanagatik.
Aldiz, modu batera ez bada bestera, nahi beste argazkitan ikusi ditut Emilio Mola, Donald Trump eta Hillary Clinton... Izango dute horiek ere meriturik, noski.
Baina, zer pentsatua eman dit kontuak. Alegia, zer pentsatua eman dit ikusteak zeintzuk diren gure erreferenteak gaur. Zeri begira jarri gaituzten argazkiek gaur...
Eta zeri ez, jakina.
Ohikoa da hori, noski. Baina, gaur, bereziki eman dit atentzioa.
Ramon
2016ko aza. 9a, 12:20
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!