Iruñerriko euskaldunon agerkaria
 

Gipuzkoako dantzak sarean

Erabiltzailearen aurpegia Iruñeko dantzariak 2006-05-10 09:54

Sarean dago Gipuzkoako Dantzak, Gipuzkoako dantzei buruzko informazio zabala, argazkiak, bideoak, azalpen historikoak, deskribapenak, eta dantza horiek hobeto ezagutzeko eta dantzatzeko material argigarria eskaintzen duen webgunea.

Elgoibarko Haritz EDT aren eta Elai-Alai Fundazioa ren ekimena da.

Hauxe da orriaren helbidea: http://gipuzkoa.dantzak.com/

Informazio gehiago nahi izatekotan, sakatu hemen .

Nafarroaren eguneko argazkiak

Erabiltzailearen aurpegia Iruñeko dantzariak 2006-05-02 15:24

Egun polita pasa genuen Baigorrin (aurten behintzat ez zuen euririk egin eta dantza emanaldia egin ahal izan genuen).

Hementxe arratsaldeko saioko hainbat argazki (zuek gehiego izatekotan bidali Aritzi, otoi).

Argazkiak

dantzan.com berria

Erabiltzailearen aurpegia Iruñeko dantzariak 2006-05-01 00:40

Dantzariondako ezinbesteko erreferentzia bilakatu da dantzan.com webgunea. Orain gainera, itxuraldatuta datorkigu eta sail berri eta interesgarriekin. Oier Araolazak Sustatu n dioenez, "oro har, aurrekoak zituen osagai guztiak biltzen ditu dantzan.com berriak: albisteak, hemeroteka, argitalpenak, foroa, loturak, dantza testuen gordailua, agenda eta abar. Baina horiez gain hainbat berrikuntza aipatu daitezke:

  • Argazkiak Euskal dantza tradizionalaren alorreko 3.000 argazki jarri ditugu atal horretan.
  • Dantzariak Euskal balet dantzarien diaspora ezagutzeko aukera. Frankfurt-etik Wiesbaden-ra, eta Londresetik Copenhage-ra hainbat dira beren dantzari ibilbidea ...

Portugaleteko I. Folklore Azoka

Erabiltzailearen aurpegia Iruñeko dantzariak 2006-04-27 18:16

Portugaleteko Elai-Alai Kulturuneak ekimen oso interesgarria antolatu du maiatzaren 6 eta 7-rako: Folklore azoka. Azokaren helburua folklorearen munduan aritzen diren pertsona anonimoen lana ezagutaraztea da, hurrengo belaunaldientzat kultura zerbait tentagarria izan dadin.


Dantza saioak, musika kontzertuak, hitzaldiak, tailerrak,... izanen dira bi egunetan zehar. Parte hartzaileak ere, ez nola-nahikoak: Ibon Koteron , Tapia eta Leturia , Elai-Alai, San Lorentzoko dantzariak, Juan antonio Urbeltz, Oier Araolaza , Juan Mari Beltran, Orritz, Patxi Laborda,...

Hementxe programa osoa:

Larunbata, maiatzak 6

Azoka

  • 10:00 Azokaren hasiera
  • 10 ...

Nafarroaren eguna 06

Erabiltzailearen aurpegia Iruñeko dantzariak 2006-04-20 15:21

Nafarroaren Eguna- Apirilaren 30ean Igandearekin BAIGORRIN

Egitaraua

11etan: Pasa Calle

  • Dianak, gaiteroak, txistulariak, Uztaritzeko txaranga, Joaldunak, Arrolako dantzari tipiak , Otsagiko dantzariak , ziganteak.

12etan: Elizako plazan

  • Nafarroako 10 bertsulari (finalekoak barne), Arrola , Otsagiko dantzak , ziganteak, jauziak eta Larrain dantza .

2etan: Herriko plazan

  • Ikastolen bazkaria, Ezpela txarangak alegeraturik

Herriko plazan

  • 4etan: Esku huska desafioa
  • 5etan: Duguna Iru��ako dantza taldea
  • 7etan: Jauziak eta Larrain dantza

Xokoan

  • 4.30tan: Kantu tokia
  • 7etan: Jazz Band

Pentzean

  • 10etan: Gaualdi-dantzaldia

Egun osoan: 6 txaranga, Nafarroako trikitikariak ...

Ablitas

Erabiltzailearen aurpegia Iruñeko dantzariak 2006-04-03 17:06

Apirilaren 1ean ablitasen egon ginen gutako 10 (9 dantzan eta Leire danborrari eraginez). Egun horretako argazki batzuk hemen (Argazkian klik).


Baita Ablitaseko "Plegoa"ren inguruko informazioa ere .

Noiz dira ihauteriak?

Erabiltzailearen aurpegia Iruñeko dantzariak 2006-01-02 12:28

Aurrekoan zalantza izan genuen aurtengo ihauterien datari buruz. Gogoratu nuen dantzan.com -en horri buruzko lotura interesgarri bat zegoela eta hemen jartzea okurritu zait. Ihauterien datez gain Aste Santukoak, Korpus egunekoak eta beste agertzen dira. Oso erabilgarria.

Noiz dira ihauteriak? noiz da Korpus?

Urte berri on!

Santa Ageda

Erabiltzailearen aurpegia Iruñeko dantzariak 2005-12-28 16:23

Badakit goizegi dela (ongi pentsatuta ez), baina beste batzuetan bezala "zezenak" harrapa ez gaitzan, Santa Agedari buruzko mezua jartzea bururatu zait.

Ez dakit zuek, baina ni nazkatuta nago urtero abesten ditugun kantekin, ez baitute deus ikustekorik Santa Agedarekin (batzuk bai, noski), baina badira beste hamaika kopla eta doinu askoz aproposagoak. Beraz, nik hemen horietako 2 jarriko ditut (nahiz eta dirudienez, ihauteetan eskatzeko erabiltzen diren).

Eguen zuri I

eta

Eguen zuri II

Kultura batzordean aldaketa proposatu eta onartu ezkero hauek abestuko ...

Baserritar jantziak

Erabiltzailearen aurpegia Iruñeko dantzariak 2005-12-23 23:41

Olentzerorako erabiltzen ditugun arropak ikusita ("secci��n femenina" ematen dugu, denok igual-igual jantzita, batez ere mutilak), hona hemen argazki itxurako eredu batzuk, zuen modelitoak aldatzen joateko (Lokalean argazki aaaaaaaasko daude, interesa duenarendako).

Talde argazkiak:



Neskak:

-Jantziak derrigor izan behar du beltza puntutxo zuriekin?
-Ez.
-Ah!




-Nola jartzen da zapia?????




Mutilak:

-Alkandorak derrigor izan behar du txuria, galtzak urdinak eta blusa beltza?
-Eeeeeeeeeeeeeeez!
-Aaaaaaaaaah!



*Argazkiak "Boladaz pasata" eta "Sukil 3" liburuetatik hartuak.

Olentzero

Erabiltzailearen aurpegia Iruñeko dantzariak 2005-12-21 17:13

Egun gutxi falta dira Olentzero ospa dezagun berriz. Mendillorrira joanen gara, Iruñeko Olentzerora edo gure auzokora,... baina jakinen al dugu benetan zer ari garen ospatzen?

Hemen ohartxo batzuk Olentzeroren inguruan:

-Olentzero zer den galdetzen badigute gutako %99k erantzunen du gabon gauen opariak ekartzen dizkigun ikazkin maitagarria dela. Baina hori Olentzeroren tradizioaren oso ikuspegi mugatua da.

Olentzero pertsonai hori eta gehiago da.

Garai bat

Kristautasuna gure artean ezarri baino lehenago, dagoeneko euskal gizarteak ospatzen zuen Olentzero. Neguko solstizioaren inguruko ospakizuna zen ...

Maskarada

Erabiltzailearen aurpegia Iruñeko dantzariak 2005-12-12 22:35










Urdi��arbek emango ditu 2006ko maskaradak

Urdi��arbe-ko herriak emango ditu maskaradak aurten Zuberoan. Zehaztu da 2006 urtean zehar Urdinarbeko herriak eskainiko dituen maskaraden egutegia eta 2006ko urtarrilaren 8an izango da lehen agerraldia Urdi��arben bertan. Hona datak:

  • Urtarrilaren 8an: Urdi��arbe (Aritz-en urtebetetzea ;-)
  • Urtarrilaren 15ean: Garindaine
  • Otsailaren 12an: Pagola
  • Otsailaren 18an: Maule
  • Otsailaren 26an: Atharratze
  • Martxoaren 5an: Altz��r��k��
  • Martxoaren 12an: Larraine
  • Martxoaren 19an: Muskildi
  • Martxoaren 26an: Arrokiaga
  • Apirilaren 9an: Hokinhegi
  • Apirilaren 16an: Barkoxe
  • Apirilaren 30an: Eskiula

Zehaztu ...

Baserritrash

Erabiltzailearen aurpegia Iruñeko dantzariak 2005-11-30 18:13

Olentzero gain-gainean dugu. Herri honen ohiturak ahalik eta modu duinean mantentzeko dugun erantzunkizunari erreparatuz, Eibarko lagun batek idatzitakoa ekarri nahiko nuke gurera.

Hementxe

Azkenaldian jantzi ezberdin eta landuagoak plazaratzeko ohitura osasungarria hedatzen ari da gutxika, baina tamalez, baserritrash-ez jantzita doan jende asko ikusten ahal dugu oraindik. Baita gure taldean ere: Gaizki jarritako zapiak, forro-polarra jantziaren gainean, mendiko botak abarken ordez, galtza bakeroak abarken lagun,...


Nire ustez ez du zentzurik. Ohitura bat mantendu behar badugu mantendu dezagun, eta behar den moduan ...

Bestondoa

Erabiltzailearen aurpegia Iruñeko dantzariak 2005-11-30 18:06

Eguraldiak atzoko eguna izorratu zigun neurri batean. Prozesiorik ez zen izan (San Zernin-en irudiak ez zuen kaleko freskura pairatu behar izan) eta udaletxetik San Saturnino elizara dauden 75 metroak baino ez genituen egin. Gerorako prestaturik genuen dantza saioa ere bertan behera utzi behar izan genuen.














Gipuzkoako Ezpatadantza ikusgarria egin behar genuen mutilok eta Neskatxena neskek. Azkenean, asteetako lana erakusterik ez.

Eskerrak eman nahi dizkiet atzokoa prestatzen lagundu diguten guztiei. Donostiako Argia dantza taldeari ezpatak uzteagatik, eta Eibarko Kezka Dantza Taldeari ...

San Saturninoko aldizkaria

Erabiltzailearen aurpegia Iruñeko dantzariak 2005-11-08 13:17

Jakinen duzuen bezala, (eta ez badakizue, horretarako da mezu hau) San Saturnino egunez ospatzen dugu taldearen urteurrena -1949ko azaroaren 29 hotz batean eman zituen lehen dantza pausoak-. Urtero (ia urtero) aldizkari moduko zeozer karrikaratzen dugu egun horretarako, azken 365 egunek utzi dutena gogoratzeko. Oraindik aukera duzue zuen testuak Joseba Moralesi igortzeko (azaroaren 25a baino lehen). Azkar ibili eta burua erabili!!!!





Oinez

Erabiltzailearen aurpegia Iruñeko dantzariak 2005-11-07 22:33

Berandu bada ere blogean bagoaz gauzatxoak pilatzen. Oskiak Nafarroa Oinezeko argazki hau bidali dit "Dugunako nesken kategoria" (sic) ikus dezan jende guztiak. Hortxe ezker-eskuin, goitik hasita: Oskia, Amaia, Leonor (ah ze putada egin dioten Zarzuelan), Maider, Maitane,-eta behean- Ainara. Badaezpada mutilen argazkirik ez dugu jarriko (ejem). Argazki gehiago badituzue, bidali!!!



I��akik, inbidiaz edo, beste bat bidali dit (egia esan 3 bidali dizkit, baina 2 zentsuratu ditut). Ondokoa polita iruditu zait. Bertan agertzen dira goitik-behera ezker-eskuin: I��aki, Itziar ...