Navartur azokaren aurkezpenean Juanchi Patús ANAVI-Nafarroako Bidaia Agentzien Elkarteko arduradunak iragarri zuen aurten zenbait hegaldi eskainiko direla Noaingo aireportutik abiatuta. Horrela apirilaren 12tik 17ra Erroma, Florentzia eta Maltarako bidaiak eginen dira eta 13tik 17ra Praga eta Krakoviara. Denera 1.000 plaza izanen dira eta prezioak 590 eurotik gora hegazkina eta hotela kontratatuz gero.
Era berean, sanferminetan, uztailaren 7tik 14ra, Mallorca eta Oslorako hegaldiak antolatuko dira eta 11tik 18ra Mosku eta San Petersburgora. Bestalde, uztailaren 21etatik aurrera astean behin abiatuko diren Mallorca, Menorca eta Teneriferako hegaldiekin osatuko da aurtengo udako eskaintza.