Aurrekontu parte-hartzaileak izanen dituzte Uharten. Horretarako 60.000 euro bideratuko ditu Udalak. Herrian erroldatutako 16 urtetik gorako bizilagunek eta elkarteek diru hori nora bideratzea nahi duten proposatzen ahal izanen dute. Azaroa izanen dute herritarrek proposamenak aurkezteko eta abenduan gehienez hiru egitasmo onartuko ditu Udalak eta horiek egikaritu.
Joan den astean osoko bilkurak onartu zuen aukera hori, aurrekontu parte-hartzaileena.