"Espontaneoak izan dira aurtengo sanferminak", hala azpimarratu du Joseba Asiron Iruñeko alkateak. Festak amaitzeko ordu gutxi falta direnean lehen balantzea egin du. "Espontaneotasunak lortu du garai batean sanferminek zuten kutsu herrikoia berreskuratzea", azaldu du alkateak. Parte hartzaileagoak, herrikoiagoak eta anitzagoak izan direla adierazi du eta beltzune gisa, izan diren eraso sexistak nabarmendu ditu: "Herritarren erantzuna erasoekiko ezinhobea izan da". Kaleak bete dira eraso sexisten aurrean tolerantzia zero dagoela aldarrikatzeko. Hori, txalotzekoa iruditzen zaio Asironi.
